బాలింతలలో పాలు వృద్ధిచేయు దివ్య యోగాలు -

* అతిమధుర చూర్ణం పాలలో కలిపి తీసుకొనిన స్త్రీలకు పాలు వృద్ది అగును.

* అనుములు పప్పుగా చేసి ఉడకబెట్టి తినిన స్త్రీలకు పాలు పడును. చారుగా కూడా తయారుచేసి వాడుకోవచ్చు .

* ఆకుపత్రి చూర్ణం 2 గ్రాములు గొరువెచ్చటి నీటితో తీసుకొన్న బాలింతలలో పాలు ఉత్పత్తి అగును.
* ఆవుపాలు , వాము , వాము వాటర్ పాలుపడజేయును .
* కర్బుజా పండు తీసుకుంటూ ఉన్న యెడల పాలు వృద్ది అగును.
* గోధుమ పిండితో చేసిన పూరి పాలల్లో నానబెట్టి తినిపించుచున్న పాలు ఎక్కువగును .
* చేపలను నిప్పుల మీద కాల్చి వాటిని తినిన పాలు వృద్ది అగును.
* చిట్టాముదపు ఆకులకు ఆముదం పూసి వెచ్చచేసి స్త్రీ చన్నులపై వేసి జారకుండా బట్టతో కట్టి 12 గంటలపాటు ఉంచిన తప్పక పాలు వృద్ది అగును.
* పండిన బొప్పాయి తినినచో పాలు వృద్ది అగును.
* లేత మునగ ఆకు కూర ప్రసవానంతరం ఇవ్వడం వలన స్త్రీలలో పాలు వృద్ది అగును.
* ఆవుపాలలో బియ్యము వేసి వండి పటికబెల్లం కలుపుకుని తినుచున్నచో పాలు వృద్ది అగును.