వంటగది శుభ్రతకే ప్రాధన్యాత...?

ప్రతి కుంటుంబంలో.. ఇంట్లో ఏ గది ఉన్నా లేకపోయినా వంటగది తప్పనిసరి. అది ఇంట్లోవారి సంబంధ భాందవ్వాలతో పాటు.. స్నేహభావాలతో పాటు ఇంట్లో వాళ్ల శుభ్రత, క్రమపద్ధతిని కూడా ప్రతిబింబిస్తుంది. అంతే కాకుండా ఇంటి ఆరోగ్యం ఈ గది మీదనే ఆధారపడి ఉంటుంది. వంటగదిని సక్రమంగా నిర్వహించడం ఇల్లాలికి చాలెంజింగ్ జాబ్ అనే చెప్పాలి. హెల్దీ ఫ్యామిలీ... హెల్దీ కిచెన్‌తోనే సాధ్యం. 

అందుకు కొన్ని జాగ్రత్తలు పాటిస్తే సరి.. 

 1. రోజూ ఉదయాన్నే స్నానం చేసిన తర్వాత మాత్రమే వంటగదిలోకి వెళ్లాలి. ఇది అలవాటుగా మారితే అనేక అనారోగ్యాలను దూరంగా ఉంచవచ్చు. 

2. వంటగదిలోకి తగినంత సూర్యరశ్మి, గాలి ప్రసరిస్తుండాలి. గాలి రావడానికి, వెళ్లడానికి వీలుగా కిటికీలను తెరిచి ఉంచాలి. 

3. స్టౌ పెట్టే ప్లాట్‌ఫామ్‌ను, నేల మీద పడిన నూనె మరకలు, ఆహారపదార్థాలను ఎప్పటికప్పుడు తుడిచేయాలి. వాటిని అలాగే వదిలేస్తే బ్యాక్టీరియాకు ఆవాసాలవుతాయి. ప్లాట్‌ఫామ్ మీద వెనిగర్ చల్లి తుడిస్తే బ్యాక్టీరియా నశిస్తుంది. 

4. కిచెన్ బిన్‌లోని వ్యర్థాలను పారేసి సరిపెట్టుకోకుండా డస్ట్‌బిన్‌ను రోజూ శుభ్రంగా కడగాలి. 

5. డోమెక్స్, బ్లీచింగ్ వంటి క్లీనింగ్ ఎలిమెంట్స్‌ను ఆహార పదార్థాలు, వంటదినుసులకు దగ్గరగా ఉంచకూడదు. వీటి కోసం విడిగా ఒక అర కేటాయించాలి. 

6. వంటగదిని రోజూ సాధారణంగా శుభ్రం చేయడంతోపాటు పర్తిస్థాయిలో శుభ్రం చేయడానికి ఒక క్యాలెండర్ మెయింటెయిన్ చేసుకోవడం మంచి పద్ధతి. వారంలో ఫలానా రోజు అనుకుంటే ఇది పెద్ద కష్టంతో కూడిన పనిగా అనిపించదు. 

7. అలాగే ఫ్రిజ్..అదే రోజు ఫ్రిజ్‌లో మిగిలి పోయిన ఆహార పదార్థాలు, పాడైన కూరగాయలు, పురుగుపట్టిన పప్పు దినుసులను పారవేసి టిన్నులను శుభ్రం చేసుకోవాలి. 

8. మరొక ముఖ్యమైన విషయం ఏమిటంటే తరచూ నేల, ప్లాట్‌ ఫామ్‌ తోపాటు కిచెన్ షెల్ఫ్‌ లు అన్నింటినీ శుభ్రం చేయాలి. సింక్‌ లో అర కప్పు ఉప్పు చల్లి నిమ్మ చెక్కతో రుద్ది పది నిమిషాల తర్వాత స్క్రబ్బర్‌తో రుద్ది కడగాలి. 

9. వంటగదిలో వాడే టవల్స్ ఎప్పుడూ శుభ్రంగా ఉండాలి. డిటర్జెంట్‌తో ఉతికిన తర్వాత వేడినీటిలో ముంచి, బాగా ఎండ తగిలే చోట ఆరేయాలి. వాడిన టవల్స్‌ను తడిపి సింక్‌లో వదిలేయడం ఆరోగ్యకరమైన అలవాటు కాదు. 

10. కటింగ్ బోర్డ్, చాకులను వారానికి ఒకసారి బ్లీచింగ్, వెనిగర్ కలిపిన వేడినీటిలో వేసి శుభ్రం చేయాలి. కూరగాయలను ప్లాస్టిక్ కటింగ్ బోర్డు మీద తరిగినప్పుడు కూరగాయలతోపాటు చిన్న ప్లాస్టిక్ రేణువులు కూడా ఆహారంలో కలుస్తాయి. కాబట్టి ఉడెన్ కటింగ్ బోర్డు వాడడం మంచిది. 

11. చిన్న కప్పులో బోరిక్ యాసిడ్ వేసి వంటగది మూలల్లో ఉంచితే బొద్దింకలు రావు. 

12. ఆహార పదార్థాలను ప్లాస్టిక్ కవర్లలో ప్యాక్ చేయరాదు. ప్లాస్టిక్ తయారీలో ఉపయోగించే రసాయనాలు, విషపదార్థాల అవశేషాలు ఆహారపదార్థాలను విషపూరితం చేస్తాయి.