వానాకాలంలో
తల తడవకుండా ఉండడం అనేది కష్టమే. తడవాలని కొన్నిసార్లు... అలా
అనుకోకపోయినా పరిస్థితుల వల్ల కొన్నిసార్లు తల తడవడం ఖాయం. అలా తడిచి
జుట్టు డ్యామేజ్ కాకుండా ఉండాలంటే కొన్ని జాగ్రత్తలు తీసుకోవాలి...
- తడిచిన తలతో ఇంటికి వెళ్లగానే మైల్డ్ షాంపూతో తలస్నానం చేసి జుట్టు బాగా ఆరబెట్టాలి.
- జుట్టుకు షాంపూని సున్నితంగా రుద్దాలి. అలాగే ఈ సీజన్లో తలస్నానం చేసిన ప్రతిసారీ కండిషనర్ వాడడం తప్పనిసరి.
- రాత్రుళ్లు గోరువెచ్చటి కొబ్బరి నూనెతో తలకు మర్దనా చేసుకుని దువ్వుకుంటే తల, మాడుకి నూనె సమంగా పరుచుకుంటుంది.
- గోరువెచ్చని నూనెలో కరివేపాకులు కలిపి వాడితే జుట్టు మందంగా, నల్లగా ఉంటుంది.
- ఈ సీజన్లో మాడు దురద పెడుతుంటుంది. అది చుండ్రు లేదా మరేదైనా కారణం వల్ల కావచ్చు. ఇలాంటప్పుడు నీమ్ ఆయిల్ రాసుకోవడాన్ని మించిన రెమెడీ మరోటి లేదు.
- బీర్ మంచి కండిషనర్. బీర్తో జుట్టుని కడిగి కొన్ని నిమిషాల తరువాత చల్లటి నీళ్లతో కడిగేయాలి. ఇలా చేయడం వల్ల జుట్టు మెరుస్తుంటుంది.
- డ్రయ్యర్ వాడకపోతేనే బెటర్. డ్రయ్యర్కి బదులు పొడి తుండుతో జుట్టును తుడవాలి.
- ఈ సీజన్లో హెయిర్ కలరింగ్కి దూరంగా ఉండాలి. అలాగే హెవీ హెయిర్ స్టయిల్స్ జోలికి వెళ్లొద్దు. సింపుల్గా, నేచురల్గా ఉంటేనే లుక్ బాగుంటుంది.
No comments:
Post a Comment